A Night with Gideon

Chapter 13 (Part 1)

CHAPTER 13 (PART 1)

Kusang sumimangot si Chelary habang pinapanood ang mag-ama na magkahawak-kamay na naglalakad sa mall. Patalun-talon pa si Amber na parang hindi umiyak kanina. Inalu-alo lang ni Riguel sandali—si Amber daw ang baby nito. Ang anak niya naman ay dakilang uto-uto na tumahan agad.

“Riguel, I like that!” sigaw ni Amber sabay turo sa naka-display na damit sa glass window ng isang boutique.

“Let’s get that.” Nilingon siya ng lalaki. “Come on, Mommy. Keep up.”

Kusang tumikwas ang kilay ni Chelary sa kalmado at may bahid ng lambing na boses ni Riguel. He’s been acting nice on her when Amber was around.

Napapabuntong-hiningang sumunod siya sa dalawa nang magtatakbo si Amber papasok ng boutique. Bonding dapat nilang mag-ina ang araw na iyon at hindi ang mag-ama ang magpapakasaya.

Hindi pa nga alam ni Riguel na anak nito si Amber, ay kuhang-kuha na agad nito ang loob ng kanyang anak. Paano pa kaya kung may ideya na itong dugo at laman nito ang bata?

“Hello, Ma’am,” maligayang b