A Night with Gideon

Chapter 23

Chapter 23

“Oh my God, Brent. What happened to you?!” bulalas niya sa kaibigan.

Mabilis nitong inilagay ang hintuturo sa bibig at isinara ang lahat ng ilaw sa loob ng sasakyan kasabay ng tatlong magkakasunod na kotseng dumaan sa likuran nila.

Ang paggasgas ng gulong ng mga iyon ay nag-iwan ng usok sa aspaltong kalsada.

Ilang sandali pang naghintay si Brent bago muling binuhay nito ang ilaw sa unahan na nagbigay sa kanila ng sapat lamang na liwanag para makita niya ang mukha nito.

“Brent, anong nangyari sa ‘yo? I couldn’t contact you. Bigla ka na lang umalis. I thought you were in Pennsylvania?”

Tumalim ang mga mata ni Brent at dumiin ang pagkakahawak nito sa manibela. Ang mga ugat sa kamay nito ay nagsisilabasan dala ng matinding galit.

“Your f-cking husband happened,” pasinghal nitong sagot sa nagngagalit na mga ngipin.

Kumunot ang noo niya. “Anong kinalaman ni Floyd?”

Alam nam