A Night with Gideon

Chapter 58 (Part 2)

Chapter 58 (Part 2)

Pinagpag ni Lyzza ang pantalon matapos niyang maki-plantsa sa kanyang Landlady. May trabaho na kasi siya. Nakahanap siya kaninang pauwi siya galing sa Vesarius Airlines kung saan kumaripas siya ng takbo sa lalaking bumaba ng kotse. Mukhang mayaman pero hindi niya gusto ang klase ng tingin nito na para bang kinikilatis siya. Malay ba niya kung masama pala ang lalaking iyon o kaya ay kidnapper at kinikilatis siya kung papalag ba siya kung sakaling kikidnapin nga siya. 

Mabuti na lang at hindi sumunod ang lalaki at nakasakay agad siya sa jeep. Kumain siya sa isang sikat na fast food chain at naglakad-lakad. Nadaanan niya ang isang bar na naghahanap ng waiter. Part time lang ang naibigay na trabaho kanya pero ayos na iyon para naman kahit papano ay may maipandagdag siya sa pera na ibinigay sa kanya ni Nanay Eder.