Ang Munting Asawa ni Mr. Tremont

Kabanata 11 Huli Ka

Nanigas ang buong katawan ni Arianne.

"Okay lang sa akin na sa storeroom ako matutulog!"

Tiningnan siya ni Mark Tremont, makikita sa mga mata niya na ayaw niya ang sagot ni Arianne.

"Hindi kita tinatanong kung gusto mong matulog sa kwarto ko. Tutulungan ka ni Mary na ayusin ang guest room sa tabi ng kwarto ko."

Nahiya si Arianne dahil napahiya siya sa kanyang inakala...

Pagkatapos nito, dinala ng mga katulong ang pagkain sa dining room.

"Sir, miss, oras na para kumain."

Tumayo at isinara ni Mark Tremont ang magazine na hawak niya.

"Kumain ka."

Niyaya niyang kumain si Arianne. Gaano katagal noong huling sumabay kumain si Arianne kay Mark Tremont? Hindi na niya matandaan.

Nakayuko at tahimik na kumain si Arianne Wynn sa dining table.

Kinain niya lamang ang mga pagkain na malapit sa kanya. Habang si Mark Tremont ay dahan-dahang kumakain, walang maririnig na tunog mula sa kanya.

Nakakabingi lalo ang katahimikan sa malawak na dining room dahil sa inaakto ng dalawa ito.

Bumuntong hininga si Butler Henry na nakatayo sa gilid ng lamesa at kumuha siya ng pagkain para kay Arianne. "Huwag lang gulay ang kainin mo. Lumalaki ka na."

"Salamat," mahinhin niyang sinabi. Kinain ni Arianne ang lahat ng binigay ni Butler Henry sa kanya.

Biglang sumakit ang tiyan ni Arianne dahil hindi siya sanay na kumain ng marami.

Pagkatapos nilang kumain, natapos na rin linisin ni Mary ang kwarto.

"Ari, tingnan mo nga ang storeroom, paki-check kung may nakaligtaan ako. Dinala ko na halos lahat ng mga gamit mo sa guest room."

Nasulyapan ni Arianne si Mark Tremont na nakaupo sa sala, pagkatapos ay tumango siya kay Mary kahit na mabigat ang kanyang nararamdaman.

Pagpasok ni Mark Tremont sa kanyang kwarto, tahimik na pumunta si Arianne sa storeroom para kunin ang mga regalo niya sa kahon na nasa baba ng kanyang kama.

Habang tahimik na umaakyat si Arianne sa hagdan, biglang bumukas ang pintuan na malapit sa kanyang kwarto.

Siya ay parang deer na nakakita ng headlights, ang mga mata niya ay nanlaki at nanginig ang kanyang mga pilikmata.

Kusa niyang tinago sa kanyang likuran ang mga regalo na nasa mga kamay niya.

"Ano yan? Ibigay mo yan sa akin." Pababang nakatingin sa kanya si Mark Tremont.

Tulad ng isang makulit na bata na may ginawang kalokohan, nanlaban ng ilang segundo lamang si Arianne habang nakatitig sa humihilab na mga mata ni Mark Tremont.

Sa isang saglit, inabot niya na sa lalaki ang kahon na tinago niya.

"Matulog ka na," sabi ni Mark Tremont pagkatapos niyang buksan at tingnan ang isa sa regalo ni Arianne.

Alam niya na hindi ito ibabalik sa kanya at hindi niya rin tatangkain na manlaban para lang makuha ang mga regalo niya.

Inasahan niya na ito simula nung nakakatanggap siya ng regalo. Hindi na nakakagulat ang mga pangyayari.

Pumasok si Arianne sa kanyang kwarto at bumuntong hininga siya.

Gayunpaman, natandaan niya bigla ang note ni Will Sivan sa kanya na nasa loob ng regalo. Dahan-dahan siyang napa-squat habang iniisip niya ito.

Yari siya…

Tulad ng mga magulang, ipinagbabawal ni Mark Tremong na makipag-date si Arianne habang bata pa siya, kahit na past legal age na siya at hindi niya naman magulang o guardian si Mark Tremont...

Naisip ni Mark Tremont na itapon kaagad ang mga regalo na ito. Ilang beses niya nang ginawa ito sa loob ng sampung taon.

Pero ngayon, hindi agad siya gumawa ng desisyon.

Tinapon niya ang mga regalo sa coffee table. Sa tuwing tinitingnan niya ito, lalo siyang naiirita sa mga ito.

Agad niyang binuksan ang regalo. Sumimangot siya nang makita niya ang note na nasa loob nito.

Hanggang sa huli, magkasama tayong tatanda, huh...

Sa oras din rin na iyon, hindi makatulog ai Arianne na nakahiga sa kama niyang malambot at malaki.

Naninibago siya sa malaking higaan, dahil sanay siya sa maliit na higaan. Mabigat rin ang puso niya dahil nagaalala siya, iniisip niya na baka gantihan siya ni Mark Tremont.

Kasabay nito ang beep na mula sa kanyang cellphone. Ito ang phone na binigay sa kanya ni Mark Tremont, kaya number lamang ng lalaking ito ang lamang ng cellphone.

Gusto sanang magkunwari ni Arianne na hindi niya ito napansin, pero tiningnan niya pa rin ang kanyang phone at lumabas sa kanyang isipan ang madilim na mukha ni Mark Tremont.

May text message. Maikli at simple lang ang nakasulat dito.

"Pumunta ka dito."

Kinabahan siya ng sobra, sinuot ni Arianne ang kanyang jacket at nagmadali siyang pumunta sa kwarto ni Mark Tremont.

Nagdalawang isip muna siya bago siya kumatok sa pintuan.

Narinig mula sa loob ang malalim niyang boses, "Pumasok ka."

Pagkapasok ni Arianne, nakaupo ulit sa upuan na sa harap ng French Window si Mark Tremont.

Nakaipit sa kanyang mga daliri ang sigarilyo. Ang ibig sabihin lamang nito ay bad mood siya.

Hindi sinubukan ni Arianne na lumapit sa kanya at nanatili siyang nakatayo na may malayong distansya sa lalaking ito.

"Pumunta ka dito," nakakasindak na sinabi ni Mark Tremont.

Ang mga salitang ito ay inulit lang mula sa text message niya, pero mas nakakatakot nung sinabi na niya ito kay Arianne, kumpara sa text message.

Hinanda ni Arianne ang sarili niya nung naglakad siya papunta sa tabi ng lalaki.

Wala siyang lakas para mag-ingay sa oras na 'yon.

Sa isang saglit, hinila siya palapit ng lalaki kaya bigla siyang nahulog at napaupo sa binti ni Mark Tremont!